Glashuset
Doggfall i ein dal : dikt 1966.

Du er sint på dei som syndar. Sint på snørviktige, utskjemte born og villfaren ungdom. Du har ti frie fingrar, velbrukte peikefingrar med domsord attom! Sjølv er du rettferdig, feit og blank av eigenrettferd - som ein nysmurd Buddha. Stans og snu deg om: Tankane dine tek i framandt hold som du ikkje eig. Auga dine røvar reir som for alle tider er freda. Di misunnings lyst stel bilar og flotte bruksting som du sjølv ikkje har råd til å rå deg. Du var ein gong ung, men har gløymt det. Ville du at born og ungdom skulle leva rett, så burde   d u   for lenge, lenge sidan ha levt rett - og no det same. For det er   d u   som har avla snørviktige born, det er   d u   som har vanseda utskjemd ungdom! Glashuset er bustaden din. Så snart du er huslaus - og ser det sjølv - skal vi atter talast ved.

skrevet av Bjarne Slapgard

Bjarne Slapgard (født 11. november 1901 i Verdal - 25. desember 1997 i Levanger) var en norsk forfatter og folkehøgskole-lærer.

tonesatt av Abnescio

Abnescio ble utdanna ved universitetet i Trondheim. Og bor nå ved byen Molde. Og er barnebarn av Bjarne Slapgard.